طريقه الشيش طاووق
- الوقت : منذ 60 شهور
- بواسطة : فريق دايتوبيا
المكونات
طريقة التحضير
حنقلب كل مكونات التتبيله مع بعض في طبق كبير و بعدها نحط عليها قطع الفراخ الشيش طاووق مقطعه مكعبات كبيره عشان نعرف نحطها في السيخ .. نسيب الفراخ في التتبيله علي الاقل ساعتين و يفضل لو يوم كامل حتبقي طعمها احلي المهم ما تتبلش و تتطبخ علي طول عشان طعم التتبيله مش حيبان
المقادير دي لكيلو من الشيش طاووق
التحضير:
اهم خطوه في الشيش طاووق اننا ننقع السياخ الخشب في ميه بملح علي الاقل نص ساعه قبل ما نرصص فيها الشيش طاووق لسببين اول حاجه عشان السياخ ما تتحرقش في الفرن تاني حاجه عشان اما الشيش يستوي و تطلعه من السيخ ما يلزقش فيه و يطلع قطعه واحده
تاني حاجه تقطيع الفلفل الالوان مكعبات كبيره شويه و بصل
و حنشوي مع الشيش طاووق مشروم في الصينيه و حنعمل سوتيه ( السوتيه براحتكوا بقي علي البخار او مسلوق او مشوي )
حنرصص الخضار مع الشيش زي ماهو موضح في الصوره
الصينيه قبل ما نرصص فيها السياخ الخشب حندهنها زيت و نحط معاها المشروم
تتحط في الفرن علي درجه حراره 180 - 200 لحد ما تستوي و نراعي اننا نقلب السيخ علي الوش التاني عشان ياخد لون بني حلو
