أفكار لانش بوكس للشغل أو الجامعه
- الوقت : منذ 62 شهور
- بواسطة : فريق دايتوبيا
المكونات
طريقة التحضير
-
من اجمل الحاجات اللي بتساعد الشخص انه يكمل في نظامه الصحي أو ينزل وزنه هو انه ياخد أكله معاه من البيت و يكون عامله بنفسه و عارف مكوناته
لو انت من الناس اللي بتفضل برا البيت طول الوقت و بتلخبط كتير عشان بتجوع برا البيت و ده سبب من الاسباب اللي بتخليك مش قادره تكمل في نظامك فا اجمل حاجه انك تعمل لانش بوكس معاك و انت نازل من البيت تكون فيها يا اما وجبه خفيفه يا سناك صحي يا وجبه كبيره و معاها سناك لو بتقعد وقت طويل جدا برا البيت
في الفيديو حتلاقوا تفاصيل الافكار بس اهم حاجه و احنا بنحضر اكلنا انه يكون متنوع ما بين الكارب و الدهون الصحيه و البروتين
و كمان نراعي ان لو حنقضي وقت طويل جدا برا البيت اننا ناخد معانا حاجات ما تبوظش او تخرب خصوصاً في وقت الصيف و تكون في علب محكمه و تقدر تحافظ علي الاكل و كمان لو الاكل بيسرب مياه زي السلطات يبقي يستحسن بلاش نحط عليها ملح عشان الخضار ما ينزلش الميه اللي فيه و يبوظ الشنطه بتاعتنا مثلا
كمان نراعي اننا ناخد فاكهه سريعه معانا ..خصوصا لو بتخلص شغل و بتروح علي الجيم علي طول ساعتها انت محتاج كارب سريع أو سناك سريع يديك طاقه زي الموز او التفاح او البروتين بار الحاجات دي سهل جدا تشيلها معاك و انت نازل و كمان حتديك طاقه سريعه جدا عشان تأدي في التمرين كويس
أقتراحات زي ان الوجبه تكون فطار و سناك و تروح البيت تتغدي
او غدا و سناك لو ليك بريك علي الضهر في الشغل
