ريفيو عن شوكولاته دارك من ليندت

المكونات

طريقة التحضير

    شوكولاته ليندت الدارك .. برغم سعرها الغالي الا اني بدفع تمنها و انا راضيه
    حكتبلكوا بديل ارخص ليها تعملوه في البيت
    اسحبوا الصور للسعرات في المكعبين.. المكعب 10 جرام
    ليندت ال 85% كاكاو و طالع تصلح للكيتو دايت ولكن افضلهم من 90% ل 99% كاكاو لقله الكارب فيها و حتلاقوا في الصور سكرين شوت لل 99% بس طعمها مرار طافح مع احترامي للي بيحبها برضه
    لو عاوز تعرف معني طعم الحزن فا 99% بتوصفه

    البديل الارخص :
    كاكاو خام يتخلط بزبده او زيت جوز هند و معاه سكر دايت و تتعبي في ورق الكب كيك و ممكن تحطوا جواها مكسرات / زبده فول سوداني او تتساب ساده عادي
    لو حتحطوا جواها حاجه تملوا شويه في الورق و تجمدوه في الفريزر و تطلعوه و تحشوه و تغطوها بطبقه تانيه من الخليط الشوكولاته و تتجمد تاني لو حتعملوها ساده يبقي تعبوها شويه و تجمدوها في الفريزر

    الحاجات دي ماشي حالها مع أنظمه اللو كارب او نباتي لو حتتعمل بزيت جوز الهند

ربما يعجبك أيضا