ريفيو عن بخاخ زيت بام
- الوقت : منذ 62 شهور
- بواسطة : فريق دايتوبيا
المكونات
طريقة التحضير
من منتجاتي المفضله بخاخ الزيت بام زيرو فات و بيجيلي اساله كتير ازاي بخاخ زيت و زيرو فات ؟
اولا البخاخ ده اسمه non-stick oil يعني من الاخر وظيفته انه يمنع التصاق الاكل في الطاسه اثناء التسويه
امثله للاكلات اللي تنفع بالبخاخ ده :
تسويه البانكيك / البيض الاومليت / تشويح خضار سريع التسويه زي المشروم و البروكلي / الفراخ علي الجريل / بطاطس صوابع في الفرن / بغلف بيها قالب الكيك عشان الكيك ما تلزقش في الفرن بعد التسويه
مع العلم بخه كدا دايرن داير كفايه في الطاسه مش لازم تغرقوها
حتلاقوا في الصور المرفقه ان البخه فيها 4 سعر يعني حاجه لا تذكر و نص كالوري فات يعني و لا حاجه
مقارنه بمعلقه الزيت اي نوع حتلاقوا ان مثلا زيت الزيتون و الزيت النباتي سعرات المعلقه 120 سعر حراري فا كدا اه انت بتوفر سعرات لو كل طبيعه اكلك فيها تسويه علي النار و مش معناها ان زيت الزيتون وحش ولا حبطل استعمله بالعكس له اوقاته و حسب السعرات و انا بفضل احيانا اسوي فيه الفراخ في الايام اللي سعراتي فيها مرحرحه
مكونات الزيت حتلاقوها في الصور ميكس بين زيت جوز الهند و الكانولا و النخيل
و عشان عارفه ان زيت النخيل طالع عليه سمعه مش قد كدا بعد قرائه في fda و usda اتقال انه كثره الاستعمال او بافراط غير صحي و لكن لو علي البخه و لا البختين فا الموضوع مش ضار بالطريقه اللي تترعب منها مع التحفظ فعلا ان زيت النخيل مش احسن اختيار للزيوت في الاكل و هذا و الله اعلم
سعر البخاخ ب 120 من سعودي ماركت و مش بلاقيه غير هناك لو بتستعمله استعمال متواضع بيقعد بال 3 شهور فا هو يستحق السعر ده الصراحه و تمنه فيه
