قهوه البولت بروف للكيتو دايت
- الوقت : منذ 43 شهور
- بواسطة : فريق دايتوبيا
المكونات
طريقة التحضير
القهوه دي جميله جدا لنظام الكيتو دايت عشان بتديك طاقه الصبح تبتدي يومك و كمان تقدر تشربها لو ماخلصتش نسبه الدهون في يومك .. ممكن تشربها في اي وقت مش الصبح بس
بس لو بتعمل الصيام المتقطع مع الكيتو ما ينفعش تشربها وقت الصيام عشان بتكسر الصيام
في وجهه نظري مش حلو تتشرب لو بتحاول تقلل الدهون في نظامك ( لوشخص عادي) عشان بتحتوي علي كالوريز و دهون عاليه فا عشان كدا مناسبه للكيتو فقط .. و كالعاده احب انوه مافيش اكل او مشروب بيخسس هو بس تحديد كميات الاكل و الماكروز بتاعتك بتساعدك علي خساره الوزن حتي لو كنت كيتو دايت الالتزام بالكالوريز و نسبك برضه مهم جدا للحصول علي نتائج كويسه
الطريقه انك بتخلط كل المكونات بمضرب النسكافيه عشان تختلط كويس و بلاش بالمعلقه عشان حتلاقوا الدهون عايمه علي الوش و مش حتندمج كويس مع المياه
ممكن نبدل الزبده بزيت جوز الهند و الكريمه بلبن اللوز او لبن جوز الهند
أنواع السكر دايت اللي علي حد علمي تصلح للكيتو : سويتال / سويت أند سلم / ستيفيا / أيزو سويت
أنواع الزبده اللي بحب أستخدمها : أنكور أو لورباك
